純粹自己試吓煮，因為好鐘意食，今次沒有師傅教只有海量網上文章及影片，好多不同的做法，沒有肯定說哪一種最好，而且也視乎鴨胸本身的來貨、體積及質素。想記錄和分享一下：
第一次用了鹽水醃肉法，因為這個鴨胸肉好厚，大概兩寸厚價錢約HKD$100一塊，如果想了解鹽水醃肉方法及好處可以睇法呢篇鹽水醃扒法。𠝹開厚鴨皮，先煎皮再煎肉，冷鑊不用落油因為鴨皮自己會出好多油，然後焗爐220度15分鐘，效果有少少韌，但同時又出血水，唔係唔好食，但要再試。襯乾蔥汁及南瓜茸。
第二次用同質素鴨胸同方法，不過焗12分鐘，肉質剛剛好，但仍然有血水類似牛扒，其實唔介意嘅話已經可以算是唔錯的效果。拌明太子忌廉醬及牛油薯蓉。
然後第五次試用較細塊薄身的鴨胸，價錢平好多，大概HKD$20一塊，因為薄好多約1寸厚，所以想試吓用煎的方式，先醃肉再中高煎，先煎鴨皮，也有𠝹鴨皮，主要是放油出來及脆皮效果，今次試吓煎完不立刻上碟不立刻切開，試吓等幾分鐘令啲肉在裡面收一收，肉汁也更多。血水不見了，效果唔錯，未知是否因為薄？還是有rest 幾分鐘先切，肉質熟度剛好但味道和貴價厚身貨爭好遠，一分錢一分貨，不過如果厚身就不肯定可否就咁煎。還試了鹵水鵝肝切片加鴨胸，一片一片的夾住，再加黑椒紅酒汁，鵝肝片沒有想像中咁配合，可能用鹵水以外的烹調更好，要再試。
第六次試用浸熟法，媽媽教的浸熟法可以按這裡重溫，純粹想試吓另一種烹調方式可否令肉質更嫰滑，鹽水醃肉法之後大火滾一分鐘鴨胸，然後熄火，浸15分鐘，鴨胸厚度跟第五次的一樣，也是一寸厚的平價貨。肉質鮮嫩比煎焗或煎更滑，配牛湯黑椒汁(沒有影相)。
總括而言，還是未完全成功，或找到一個最好方法，會繼續試，嘗試當中的樂趣很大，而每次也學到一些新知，當然比學費去學會一擊即中，但自己亂試又是另一種樂趣。
chopstickssisters.com 